Delegation of the European Union to Belarus

Прадстаўніцтва Камісіі ЕС у Беларусі адчыніла дзверы 7 сакавіка 2008 г. пасля падпісання адпаведнага пагаднення паміж Камісіяй Еўрапейскіх супольнасцяў і Рэспублікай Беларусь. Пасля таго як 1 снежня 2009 г. пачаў дзейнічаць Лісабонскі дагавор, Прадстаўніцтва цяпер мае афіцыйную назву “Прадстаўніцтва Еўрапейскага саюза ў Рэспублицы Беларусь” (“Прадстаўніцтва ЕС ў Беларусі”). Гэта адно з больш як 140 Прадстаўніцтваў ЕС па ўсім свеце.

Прадстаўніцтва мае статус дыпламатычнай місіі і афіцыйна прадстаўляе Еўрапейскі саюз у Беларусі.

Мандат Прадстаўніцтва Еўрапейскага саюза ў Беларусі ўключае: 

• падтрымку эфектыўных кантактаў з дзяржаўнымі, рэгіянальнымі ды мясцовымі органамі ўлады і адміністрацыямі, прадстаўнікамі бізнес-супольнасці, амбасад краін Еўрапейскага саюза і трэціх краін, а таксама міжнародных і рэгіянальных арганізацый/інстытутаў;
• забеспячэнне шчыльнага дыялогу з іншымі зацікаўленымі бакамі (арганізацыямі грамадзянскай супольнасці, універсітэтамі, мясцовымі СМІ) па пытаннях эканамічнай, сацыяльнай палітыкі, палітыкі ў сферы кіравання, правоў чалавека ды інш;
• прадстаўленне і тлумачэнне пазіцыі Еўрапейскага саюза дзяржаўным органам улады і прадстаўнікам краін Еўрапейскага саюза ў краіне;
• пашырэнне ведаў пра Еўрапейскі саюз, яго інстытуты і праграмы.